友邦想創基金提供合共HK$500萬資金，以及培訓、指導和曝光機會來支持5位優勝者實現社創點子。

關於友邦想創基⾦

「我想為社會出一分力、改變世界！」——喺你心目中，係唔係已經出現過無限次？
 
你有諗法，我有辦法！
AIA全力支持你發揮創意同貢獻社會！
我哋提供合共HK$500 萬友邦想創基⾦(AIA Creator Fund) 畀你哋實踐社創點子，
更提供一系列嘅培訓，由各界資深人士做你嘅導師，為你哋指點迷津，
仲有曝光機會，畀更多人認識你哋添！
 
如果你有橋，有心，
但無資源，無高人教路，
就等我哋大大力撐你，同你一齊做好事，
一齊實現你嘅諗法，
打造最具影響力嘅社創項目！

得獎名單

5位優勝者終於出爐喇，每位優勝者都可以獲得100萬港元友邦想創基金展開社創之旅!
友邦香港及澳門首席執行官馮偉昌先生(中)、友邦香港及澳門首席客戶及市場策劃官黃靄敏女士(左三)頒贈「友邦想創基金」俾5位優勝者。
 
恭喜晒以下5位優勝者:

Turzo嘅爺爺隨著年紀增長，視力大不如前，令佢連每日讀報紙嘅習慣都無法維持，生活質素大受影響。爺爺嘅情況，引發工程專業出身嘅Turzo思考，如何以科技改善視力不全人士嘅生活。經過一番努力，Turzo同團隊研發出一款智能輔助鏡頭Seekr，可即時攝錄現場情況以作運算，再實時以語音形式，讀出視障人士眼前嘅景物同文字，以及物件同用家之間嘅距離。Turzo期望通過產品，能夠充當視障人士嘅眼睛，幫助佢哋重回正常生活。
想知多啲，請留意Seekr嘅Facebook。

陳曉玲（Florence）攻讀博士時，曾遇見幾位視障人士、一個跟一個、搭住前面嘅視障朋友嘅膊頭前行，幾經辛苦先可以順利橫過馬路，令Florence慨嘆現今導航技術先進，視障人士卻只可以用原始方式移動。因此，Florence同聯合創辦人Steve，率領團隊研發為視障人士而設嘅智能腰帶GUIDi，透過 AI 視覺、即時運算、觸覺驅動等技術，以振動及聲音為失明人士導航。Florence及團隊至今仍不斷改良裝置，希望未來能夠以智能腰帶取代白杖及導盲犬等輔助工具，徹底改變視障人士嘅出行方式。
想知多啲，請留意 AI Guided Limited嘅Facebook。

張易為（Gary）效力於全港唯一紙包飲品盒回收廠，除咗營運日常回收業務，亦積極同團隊向大眾傳達環保理念，因此特意推出流動回收車——喵巴士。喵巴士遊走全港唔同屋苑，收集各類可重用資源，並為街坊提供多種服務，包括漂書、維修電器和廚具、舉辦環保工作坊等，努力聯繫社區，將環保信念植根喺全港市民心中。
想知多啲，請留意喵坊嘅Facebook。

梁雯蕙（Comma）自大學嘅視覺傳意設計系畢業後，就開設咗設計工作室，聘用殘障人士參與藝術結合設計同生產產品，旨在喚起大眾對弱勢社群嘅關注，同時為殘障人士帶嚟收入，達致「賦權」。除現有業務外，Comma亦計劃建立共融藝術平台In:visible art，傳授殘疾人士藝術技巧，將佢哋嘅創作商品化，如推出產品，或製成商業設計素材，喺網上供人付費使用。Comma期望藉著呢個新構思，提供就業機會，宣揚共融訊息。
想知多啲，請留意無事無事研究所嘅Facebook。

喺照顧家人過程中，徐華峰（Jojo）發現習以為常嘅樓梯都成為身坐輪椅家人嘅出行障礙。呢啲經歷，引發Jojo思考點樣幫助輪椅使用者突破限制，通行無阻。 經過Jojo同團隊一番努力後，佢哋終於成功研發出一款可供上落樓梯、適應多種地形嘅智慧輪椅TenK，更逐步加入唔同功能，包括智慧感應周圍環境、智慧防碰撞、健康檢測等。智慧輪椅即將推出市面，期望惠及行動不便者同埋為智慧社區做出貢獻。
想知多啲，請留意Libpet嘅網頁。
再次衷心感謝每一位友邦想創基金參加者！請繼續為你哋嘅社創夢奮鬥，為社會做好事。

計劃詳情

資助項目

以創新形式（產品、服務或其他方案）為香港帶來社會效益嘅諗法，例如：
  • 以創新手法提升生活質素（如解決病人或殘疾人士的生活不便、促進身心靈健康、減少碳排放、推動可持續發展等）
  • 保育（如生態保育、物種保育、文物保育等）
  • 教育及技藝傳承
  • 宣揚共融（如長幼共融、傷健共融、種族共融等）
  • 扶貧

報名要求

參加者必須持有有效香港身份證及於參加當日年滿18歲或以上。

想創之旅

日期
詳情
即日起至2023年10月31日
遞交你嘅個人資料同社創計劃。
2023年11月
評判逐一細睇你嘅計劃後評分。
2024年1月15日前*
評判揀選5名優勝者。每名優勝者可獲得100萬港元友邦想創基金（所有優勝者共獲HK＄500萬港元資金）。
2024年1月至3月
5名優勝者將參與培訓工作坊，並獲導師親身指導，完善同落實佢哋嘅社創點子，蓄勢待發。

* 多謝大家嘅踴躍支持，反應非常熱烈！由於報名人數眾多，評審較預期略為需時，我哋會喺2024年1月15日前公佈得獎名單，敬請期待！

評審準則

  • 諗法有幾爆？
(10%)
  • 帶嚟乜嘢社會效益？
(20%)
  • 點樣做到？
(30%)
  • 點樣長做長有？
(40%)
有關詳細評審準則，請參閱友邦想創基金之條款及細則中的A部分「評審及運作」。

聯絡我哋

如果有咩問題，可以發送電郵至 AIACreatorFund@aia.com。

統籌及協調

支持機構